Athari 12 Za Sheria Mpya Ya Masuala ya Mitandao ( Tanzania Cybercrimes Act, 2015 ) Iliyopitishwa Jana Bungeni......Athari Hizi Zimechambuliwa Na Mbunge David Kafulila

Thursday, April 2, 2015

Athari 12 Za Sheria Mpya Ya Masuala ya Mitandao ( Tanzania Cybercrimes Act, 2015 ) Iliyopitishwa Jana Bungeni......Athari Hizi Zimechambuliwa Na Mbunge David Kafulila

Sheria hii ni muhimu duniani kote na ndio maana hata Tanzania ilikuwa inangojea kupata sheria ya kuongoza masuala ya mitandao yaani Cyber Law kutokana na uhalifu wa aina mbalimbali wa masuala ya mitandao.

Sifa kuu ya sheria ya kuongoza masuala ya mitandao ni kuweka bayana makosa ya mitandaoni na pia kuyatolea adhabu. Sheria hii inayopitishwa kwa dharura madhara yake ni:

Moja, Kifungu 7 (2b): Mpokeaji wa ujumbe (receiver) anaweza kushtakiwa kwa kosa la kupokea ujumbe ambao sheria imeufanya kuwa wa jinai. (Mfano: Mtu akikuforwadia ujumbe, ukiupokea na wewe umefanya kosa la jinai).

Pili, Kifungu 21(1): Mtumia mtandao wa Intaneti yeyote hayuko salama kwani mtoa huduma wake analazimika kutoa habari zake kwa serikali pale zitakapohitajika (kwa lazima).

Tatu, Kifungu 8: Itakuwa ni kosa la jinai kama mtu ataweka wazi nyaraka za siri za serikali hata kama ni nyaraka ya kusaidia nchi kwa ujumla (Mfano: Matumizi mabaya ya mali ya umma).

Nne, Kifungu 14: Picha yoyote yenye mwelekeo unaoweza kuonekana kama ‘mchafu kingono’ inaweza kupelekea mtu kufungwa hadi miaka 10 au kulipa milioni 30; Sasa kama mtu kaweka picha yake Instagram ambayo sio ya ponografia lakini ‘ikatafsiriwa’ hivyo. Sheria haijatafsiri ponografia!

Tano, Kifungu 23: Je, ulijua kuwa ‘kusababisha maudhi ya hisia’ kwa mtu mwingine ni unyanyasaji na unaweza kufungwa kifungo kisichopungua mwaka mmoja?

Sita, Rejea adhabu ya ibara mbalimbali: Sheria hii kila kosa linaweza fanya mtu afungwe kifungo hadi cha maisha na kulipa pesa hadi zisizohesabika kwani hakijawekwa kikomo cha juu cha adhabu bali kikomo cha chini tu kwa Kiingereza “not less than”

Saba, Sheria haijaeleza vizuri suala la kutumia jina lisilo lako kwenye mtandao na hivyo mtu anaweza kushitakiwa kama kuna mtu mwingine mwenye jina kama hilo katika maisha halisi.

Nane, Serikali kupitia waziri husika ndio ina mamlaka ya kusema jambo lililowekwa kwenye mtandao ni la kweli, uongo au la kupotosha. Kumbuka hata ESCROW, EPA walisema ni uwongo; ni wangapi katika mtandao wangeshtakiwa kiuonevu kwa hili?

Tisa, Kifungu 22: Ukiweka ujumbe katika mtandao na ukaufuta au kuuboresha, kama ukishtakiwa kwa kuweka ujumbe huo unaweza kuhukumiwa pia kwa adhabu ya kuuboresha au kuufuta. Ni mara ngapi unafuta ‘status’ zako za WhatsApp? Unaweza shtakiwa kwa kuchelewesha ushahidi kisa tu ulifuta na hamna mtu anayeweza kujua ulifuta kwa kusudi au la.

Kumi, Mkuu wa kituo cha Polisi chochote kile nchini anaweza kuagiza wewe umpatie simu/laptop yako au taarifa zako zote (kwenye email, chats) au hata vifaa vyako au ofisi yako kwa ajili ya upelelezi bila oda ya Mahakama.

Kumi na moja, Kifungu 31 (3a): “As soon as practicable” the law states. Askari Polisi wakichukua vitu vyako wanaweza kukupatia listi ya vitu walivyovipokea muda watakaoona kwao inawezekana kufanya hivyo. Jiulize, inaweza chukua muda gani?

Kumi na mbili, Kifungu 31-35 & 39-45: Kama wewe ni Blogger au mtoa huduma ya mtandao, pale unapobaini kosa ukalitoa na uko katika mikakati ya kuitaarifu mamlaka husika (Kama sheria inavyosema), askari naye anaweza kwa wakati huohuo akaja kukagua na kuchukua vitu vya kazi zako, hivyo sheria inakinzana yenyewe kwa yenyewe. Blogger yuko sawa kisheria na askari yuko sawa kisheria.

Je, sheria hii ikisainiwa na Rais Jakaya Kikwete tutapona?

DAVID Kafulila

Mbunge wa Kigoma Kusini (NCCR-Mageuzi) 

 

POSTED HASSAIN MTUNDA

Breaking News:Tume ya Taifa ya Uchaguzi (NEC) Yaahirisha Kura ya Maoni Ya Katiba Mpya.....Zoezi La Uandikishaji Kuendelea Hadi Mwezi Wa 7

Thursday, April 2, 2015

Breaking News:Tume ya Taifa ya Uchaguzi (NEC) Yaahirisha Kura ya Maoni Ya Katiba Mpya.....Zoezi La Uandikishaji Kuendelea Hadi Mwezi Wa 7

Tume ya Taifa ya uchaguzi (NEC) imesema kuwa kura ya maoni ya katiba inayopendekezwa, haitaweza kufanyika tena tarehe 30 April hadi hapo itakapotangazwa tarehe nyingine tena.

 

Akizungumza na waandishi wa habari  leo  mchana, mwenyekiti wa tume ya uchaguzi , Jaji Mstaafu Damian Lubavu amesema sababu ya kuhairisha kura hiyo April 30 ni kutokana na kutokamilika kwa zoezi la uboreshaji daftari la kudumu la wapiga kura  kutokana na changamoto za mashine za BVR.

Jaji  Lubavu  amesema zoezi la uandikishaji mkoa wa Njombe litakamilika April 18 na baada ya hapo itafuatia mikoa ya Ruvuma, Iringa, Mtwara na Lindi ‪. Vifaa vya kuandikishia (BVR kits) nyingine 248 zitawasili ndani ya wiki ijayo na vingine 1600 vitafuata baada ya muda mfupi. 
 

Pia,  amesema kama vifaa vya kuandikishia vitafika vyote zoezi la uandikishaji litakamilka ifikapo mwezi julai mwaka huu.
  Jaji  Lubavu  ameainisha  kuwa Gharama za vifaa vyote vilivyoagizwa kwaajili ya vifaa vya kuandikishia (BVR kits) ni dola za Kimarekani milioni 72 ambazo ni sawa na Tsh bilioni 13,338,520,536

 

POSTED BY ; RASHID HAMZA

KINANA : MIAKA 20 YA USHABIKI WA KISIASA MOSHI MJINI INATOSHA

KINANA : MIAKA 20 YA USHABIKI WA KISIASA MOSHI MJINI INATOSHA

Tuesday, March 31, 2015

• Wafanyabiashara wafunga barabara

• Walalamikia kufungiwa soko la kati kwa mwaka mzima

• Kwa miaka 20 upinzani hamna walilofanya Moshi mjini

• Nape awaambia stukeni wananchi,chagueni viongozi watakaowaletea maendeleo

 Katibu Mkuu wa CCM Ndugu Abdulrahman Kinana akihutubia vijana wa boda boda ,Stendi Kuu kata ya Mawenzi ambapo aliwaambia kuwa boda boda ni sehemu ya kupata kipato hivyo inabidi wafanye shughuli yao hiyo kwa umakini mkubwa ,ikiwa kudumisha umoja, kufuata sheria, kujisajiri na kutambulika na mamlaka husika ,kuaminika ili waweze kukopesheka.

 Katibu wa Umoja wa Boda Boda Moshi mjini akisoma risala kwa Katibu Mkuu wa CCM Ndugu Abdulrahman Kinana kwenye mkutano uliofanyika ,Stendi Kuu kata ya Mawenzi Moshi mjini.

 Wafanyabiashara wa soko la kati,Moshi mjini wakiwa wamefunga njia kuzuia msafara wa Katibu Mkuu wa CCM Ndugu Abdulrahman Kinana usipite mpaka wawasilishe kero yao ya kufungiwa soko kwa mwaka mzima na uongozi wa halmashauri ya mji kwa maelezo ya kupisha ukarabati ambao haujafanyika.

 Katibu wa Itikadi na Uenezi Nape Nnauye akisoma ujumbe ulioandikwa kwenye mabango na wafanyabiashara wa soko la kati,Moshi mjini.

 Katibu Mkuu wa CCM Ndugu Abdulrahman Kinana akisoma risala ya wafanyabiashara wa soko la kati,Moshi mjini.

 Katibu Mkuu wa CCM Ndugu Abdulrahman Kinana akizungumza na wafanya biashara ambao soko lao limefungwa kwa zaidi ya mwaka mmoja sasa.

 Katibu Mkuu wa CCM Ndugu Abdulrahman Kinana akiongozana na Katibu wa NEC Itikadi na Uenezi Nape Nnauye kuingia kwenye soko la kati, Moshi mjini mkoani Kilimanjaro ambalo lilifungwa kupisha ukarabati ambao mpaka sasa ni mwaka 1 hakuna kilichofanyika na wafanyabiashara wanaishi maisha magumu.

 Katibu Mkuu wa CCM Ndugu Abdulrahman Kinana akizungumza na wafanyabiashara wa soko la kati ambalo limefungwa kwa mwaka mzima sasa.

 Ukuta wa soko la kati Moshi mjini ukiwa na matangazo yanayozuia kufanya biashara

 Katibu wa Vikoba kata ya Kongoroni Mariam Chawapoma akisoma risala ya kikundi chao kwa Katibu Mkuu wa CCM Ndugu Abdulrahman Kinana .

 Wanachama wa Vikoba wakishangilia jambo wakati wa mkutano na Katibu Mkuu wa CCM Ndugu Abdulrahman Kinana

 Katibu Mkuu wa CCM Ndugu Abdulrahman Kinana akihutubia wanachama wa Vikoba kata ya Makongoroni ambapo alishiriki kuzindua vikoba 11 vyenye wanachama 330,Kata ya Makongoroni,Moshi mjini.

 Katibu Mkuu wa CCM Ndugu Abdulrahman Kinana akishiriki kufyatua matofali baada ya kutembelea kikundi Vijana cha Kata ya Miembeni

 Katibu Mkuu wa CCM Ndugu Abdulrahman Kinana akipokelewa na umati wa akina mama Lishe wa Njoro,Moshi mjini.

 Wajasiriamali na mama lishe wakishangilia ujio wa Katibu Mkuu wa CCM Ndugu Abdulrahman Kinana katika kata yao ya Njoro.

 Katibu Mkuu wa CCM Ndugu Abdulrahman Kinana akihutubia wajasiriamali pamoja na mama lishe.

 Katibu Mkuu wa CCM Ndugu Abdulrahman Kinana akizungumza na Katibu wa NEC Itikadi na Uenezi Nape Nnauye pamoja na Mwenyekiti wa CCM mkoa Ndugu Idd Juma

 Katibu Mkuu wa CCM Ndugu Abdulrahman Kinana akikatiza kwenye maji wakati akielekea kwenye eneo la mkutano wa hadhara Bomambuzi viwanja vya shule ya msingi Mandela.

 Mjumbe wa Halmashauri Kuu ya CCM Taifa kutoka wilaya ya Moshi mjini Ndugu Aggrey Marealle akihutubia wananchi wa Moshi mjini ambapo aliwaambia kuwa wakati umefika wa kufanya mabadiliko ya kweli kwa kuchagua CCM kuongoza mji wa Moshi.

 Katibu wa NEC Itikadi na Uenezi Nape Nnauye akihutubia wakazi wa Moshi mjini mkutano wa hadhara Bomambuzi viwanja vya shule ya msingi Mandela na kuwaambie wastuke sasa wasiendelee kukandamizwa na viongozi wasiojali maendeleo yao.

 Katibu Mkuu wa CCM Ndugu Abdulrahman Kinana akihutubia wananchi wa Moshi mjini kwenye mkutano wa hadhara Bomambuzi viwanja vya shule ya msingi Mandela na kuwaambia kuwa wamekuwa na ushabiki kwa miaka 20 imefika wakati sasa kuamua kuchagua maendeleo kwa manufaa ya maisha yao

  Katibu Mkuu wa CCM Ndugu Abdulrahman Kinana akiangalia picha ya gari alilotumia Mwalimu Julius Kambarage Nyerere kabala halijafanyiwa ukarabati na Chuo cha Ufundi Veta, Moshi mjini.

  Katibu Mkuu wa CCM Ndugu Abdulrahman Kinana akijaribu kuendesha gari alilotumia Mwalimu Julius Kambarage Nyerere wakati wa harakati za kutafuta uhuru,kulia ni Katibu wa NEC Itikadi na Uenezi Nape Nnauye.

  Katibu Mkuu wa CCM Ndugu Abdulrahman Kinana akiteremka kwenye gari alilotumia Baba wa Taifa wakati wa harakati za kutafuta uhuru.

Wananchi wakiuaga msfara wa  Katibu Mkuu wa CCM Ndugu Abdulrahman Kinana mara baada ya mkutano kumalizika kwenye viwanja vya shule ya msingi Mandela,Bomambuzi, Moshi Mjini.

POSTED BY RASHID HAMZA

KUMEKUCHA KENYA

Thursday, April 2, 2015

Hali ni Mbaya Kenya...Al Shabaab Wanadaiwa Kuanza Kuwachinja Mateka Inayowashikila Katika Jengo La Chuo Kikuu Cha Garissa

Baadhi ya wanafunzi waliouawa au kujeruhiwa darasani

**********  
Katika style kama ile ya shambulizi la Westgate Mall, wanamgambo wa al-Shabaab wamevamia na kushambulia  chuo  kikuu  cha  Garissa kilichopo katika mji wa Garissa. Zaidi  ya watu 15 wameuawa, na wengine zaidi ya 90 wamejeruhiwa.

Mkuu wa jeshi la polisi Kenya, Inspector General Joseph Boinnet amesema kuwa magaidi hao walivamia geti kuu la chuo hicho na kuwarushia risasi walinzi alfajiri saa 5.30, wakati wanafunzi wa Kiislam wakienda kwenye swala ya asubuhi.

 

Polisi waliokuwepo chuoni hapo walikimbilia katika eneo la tukio na kuanza kurushiana risasi na magaidi hao, ambao walifanikiwa kuingia kwenye mabweni ya wanafunzi.

Polisi wa ziada na wanajeshi waliitwa kuja kusaidia na mirindimo ya risasi ilisikika kati ya wavamizi hao, polisi na wanajeshi.

 

Wanafunzi waliokuwa wakipiga simu kutoka ndani ya mabweni wamesema kuwa kuna majeruhi wengi sana. 

 

Wanafunzi waliofanikiwa kutoroka wamesema kuwa idadi ya wavamizi hao ni angalau watano  na bado kuna wanafunzi na maprofesa wengi wanashikiliwa mateka.

Taarifa za hivi punde zinaarifu kuwa magaidi hao wameanza kuwachinja baadhi ya mateka waliowashikilia.

 

Mateka mmoja (mwanafunzi) mwenye asili ya Somalia aliyeachiwa huru na magaidi hao ameviambia vyombo vya habari vya Kenya kuwa zaidi ya wanafunzi kadhaa wamekwishauawa na miili yao imetapakaa ndani ya vyumba na madarasa huku zoezi la Uchinjaji wa mateka wengine walio hai likianza.

Rais Uhuru Kenyatta wa Kenya ametuma salamu za rambi rambi kwa familia za wale waliouawa katika shambulizi hilo.

Kenyatta amewataka wakenya kuwa watulivu wakati huu ambapo maafisa wa usalama wanakabiliana na wapiganaji hao. 

Wanajeshi wa jeshi la Kenya katika geti la chuo hicho

Baadhi ya miili ya marehemu waliouawa katika shambulio la al-Shabaab katika chuo kikuu cha Garissa

Helicopter ya jeshi ikitua na maiti na baadhi ya majeruhi katika kambi ya jeshi la Langata

Wanafunzi wa shule ya sekondari ya Excel, iliopo karibu na chuo kikuu cha Garissa wakiondolewa kutoka shuleni kuhakikisha usalama wao

POSTED BY:RASHID ZAGA

KUMEKUCHA KIGOMA

HAMA CHA WAANDISHI WA HABARI KIGOMA WAZINDUA GAZETI LAO LA KIGOMA YETU

 Na Editha Karlo wa 

Globu ya Jamii, Kigoma 

KWA niaba ya Mkuu wa Mkoa wa Kigoma Kanali mstaafu Issa Machibya ,Mkuu wa Wilaya ya Kigoma mjini Exavery Maketa jana alizindua gazeti la Kigoma yetu linaalomilikiwa na CHAMA cha waandishi wa habari wa Mkoa wa Kigoma (KGPC). 

Uzinduzi huo ulifanyika katika ukumbi wa Kibo Peak uliopo mjini hapa na kuhudhuriwa na mamia ya wadau mbalimbali wa sekta ya habari pamoja na wakazi wa Mkoa wote wa Kigoma 

Akiongea katika uzinduzi huo katika hotuba yake Mkuu a Wilaya aliwataka waandishi kupitia gazeti hilo kuepukana na vitendo vya rushwa na badala yake gazeti hilo litumike katika kuchochea kuleta maendeleo katika Mkoa wa Kigoma. 

 Mkuu huyo wa Wilaya aliongeza kwa kusema pia wanahabari lazima waandike habari za ukweli na uwazi na ambazo hazifungamani upande wowote kwani wao ni chombo kinachoweza kuchochea maendeleo ya wananchi endapo wataandika habari zilizofanyiwa uchunguzi wa kutosha. 

 Aidha aliwaomba waandishi kuandika habari zinazo chochea maendeleo kwa wananchi ili wananchi waweze kuhamasika kujishugurisha kuchochea maendeleo katika maendeleo ya mkoa wa kigoma. 

 “Ndugu zangu Waandishi wa habari wa Kigoma kupitia gazeti lenu la Kigoma YETU mhakikishe mnaandika habari zenye kuleta tija katika mkoa wetu zitakazo chochea maendeleo iliwananchi wa Mkoa wa kigoma waweze kufurahia uwepo la gazeti lenu yetu”, alisema Maketa. 

Mwenyekiti wa chama cha waandishi Wa Habari Mkoani Kigoma(KGPC) ,Deogratuas Nsokoro alisema wao kama chama wamejipanga kuhakikisha kuinua uchumi wa Mkoa wa kigoma na kuleta maendeleo kwa kuandika habari zitakazo chochea maendeleo kwa haraka. 

 Alisema waandishi wote wanauelewa wa kuandika habari zilizofanyiwa utafiti wa kina hivyo anaamini wataandika habari zenye kuleta maendeleo katika wa mkoa wa kigoma. 

 Alisema gazeti hilo lilipata ruzuku ya ufadhili wa Tanzania Media Fund(TMF)shilingi milioni 50 kwa kipindi cha miezi sita tokea october mwaka jana hadi march mwaka huu ambapo ufadhili huo unameisha. 

 ”Pamoja kuwa muda wa ufadhili umeisha lakini sisi leo tumezindua rasmi gazeti letu hili la toleo la april na nina wahakikishia wadau wetu gazeti hili halitapotea mtaani litaendelea kuwepo,kwasasa linatoka mara moja kwa mwezi lakini hivi karibuni litaanza kutoka mara mbili kwa mwezi”Alisema Nsokolo

 Mkuu wa Wilaya ya Kigoma Mjini Exavery Maketa akisoma hotuba yake kwa wageni waalikwa (Hawapo pichani)kwa niaba ya mgeni rasmi Mkuu wa Mkoa wa Kigoma Kanali Mstaafu Issa Machibya 

 Mwenyekiti wa chama cha waandishi wa habari wa Mkoa wa Kigoma(KGPC) Deogratius Nsokolo akitoa neno la shukrani kwa wageni waalikwa walihudhuria uzinduzi wa gazeti la Kigoma YETU.

 Baadhi ya viongozi wa serekali na dini waliohudhulia katika uzinduzi wa gazeti la Kigoma YETU

  Waandishi wa gazeti la Kigoma YETU wakifuatilia matukio mbalimbali ya uzinduzi wa gazeti hilo

 Waandishi wa chama cha habari mkoa wa Kigoma wakiwa katika picha ya pamoja na mgeni Rasmi Mkuu wa Wilaya ya Kigoma mjini Exavery Maketa baada ya uzinduzi wa gazeti la Kigoma YETU

Wandishi wa Gazeti la kigoma yetu wakifurahia baada ya uzinduzi kutoka kushoto ni Mwajabu Kigaza wakatikati ni Rhoda Ezekiel pamoja na Editha Karlo

 

POSTED BY;HASSAIN MTUNDA

CCM BADO INAKUBALIKA MIKOANI

KINANA AHITIMISHA ZIARA YAKE Ya MIKOA MITATU

Katibu Mkuu wa CCM Ndugu Abdulrahman Kinana akihutubia wananchi wa Moshi mjini kwenye mkutano wa hadhara Bomambuzi viwanja vya shule ya msingi Mandela na kuwaambia kuwa wamekuwa na ushabiki kwa miaka 20 imefika wakati sasa kuamua kuchagua maendeleo kwa manufaa ya maisha yao.

Katibu Mkuu wa CCM Ndugu Kinana akiwa ameambatana na Katibu wa NEC Itikadi na Uenezi Nape Nnauye wamekamilisha ziara yao ya mikoa mitatu ikiwemo Dodoma,Arusha na Kilimanjaro,Ziara hiyo ililenga Kuimarisha,kutekeleza na kuhimiza Ilani ya Uchaguzi ya mwaka 2010 ya CCM,ikiwemo pia kusikiliza matatizo ya Wananchi na kuyapatia ufumbuzi.

wananchi wa Moshi mjini wakiwa wamekusanyika kwenye mkutano wa hadhara Bomambuzi viwanja vya shule ya msingi Mandela,wakimsikiliza Katibu Mkuu wa CCM Ndugu Kinana alipokuwa akiwahutubia,ambapo aliwaeleza kuwa wamekuwa na ushabiki kwa miaka 20 imefika wakati sasa kuamua kuchagua maendeleo kwa manufaa ya maisha yao.

wananchi wa Moshi mjini wakiwa wamekusanyika kwenye mkutano wa hadhara Bomambuzi viwanja vya shule ya msingi Mandela,wakimsikiliza Katibu wa NEC Itikadi na Uenezi Nape Nnauye huku wameweka mikono kichwani kuashiria kuwa miaka 20 kwa upinzani jimbo la Moshi mjini imetosha.

Katibu wa NEC Itikadi na Uenezi Nape Nnauye akihutubia wakazi wa Moshi mjini mkutano wa hadhara Bomambuzi viwanja vya shule ya msingi Mandela na kuwaambie wastuke sasa wasiendelee kukandamizwa na viongozi wasiojali maendeleo yao.

Wakazi wa Moshi mjini wakiwa wamekusanyika kwenye mkutano wa hadhara Bomambuzi viwanja vya shule ya msingi Mandela,wakimsikiliza Katibu Mkuu wa CCM Ndugu Kinana alipokuwa akiwahutubia,ambapo aliwaeleza kuwa wamekuwa na ushabiki kwa miaka 20 imefika wakati sasa kuamua kuchagua maendeleo kwa manufaa ya maisha yao.

Msafara wa Katibu Mkuu wa CCM,Ndugu Abdulrahman Kinana ukiwasili Moshi Mjini kutokea Wilaya ya Rombo kwa Ziara ya siku kumi ndani ya mkoa wa Kilimanjaro. 

 PAMOJA TUTASHINDA 

 

POSTED BY; RASHID HAMZA $ HASSAIN MTUNDA

  KURA YA NDIYO ITAPITAKATIBA INAYOPENDEKEZWA

• 

Marais Dkt. Jakaya Kikwete na Dkt Ali Shein mara baada ya kukabidhiwa Katiba inayopendekezwa Oktoba mwaka jana.

WAKATI siku za kupiga Kura ya Maoni zikikaribia, imebainika kuwa zaidi ya nusu ya Watanzania wataipigia kura ya Ndiyo Katiba Inayopendekezwa.

Aidha, imeelezwa mwito wa vyama vinavyounda umoja wa Ukawa wa kususa kura ya maoni haujawavutia wananchi wengi, hivyo wengi hawauungi mkono.

Hayo yamo katika taarifa ya matokeo ya utafiti uliofanywa na taasisi ya Twaweza kati ya Januari 27 na Februari 17 mwaka huu na kutolewa jana kupitia muhtasari wenye jina la “Kuelekea Kura ya Maoni ya Watanzania kuhusu Katiba Inayopendekezwa.”

Kwa mujibu wa taarifa ya utafiti huo uliosambazwa kwa vyombo vya habari na Mshauri wa Mawasiliano wa Twaweza, Risha Chande, muhtasari huu umetokana na takwimu za Sauti za Wananchi, utafiti wa kwanza barani Afrika wenye uwakilishi wa kitaifa unaofanyika kwa njia ya simu za mkononi.

Muhtasari huu unajumuisha maoni ya wananchi wa Tanzania Bara pekee juu ya Katiba Inayopendekezwa.

“Jumla ya wahojiwa 1,399 walipigiwa simu kati ya Januari 27 na Februari 17, 2015. Matokeo mengine yanatokana na duru la 5 la Sauti za Wananchi (iliyowahoji watu 1,708 kati ya Julai 16 na Julai 30, 2013) na duru la 14 la Sauti za Wananchi (iliyowahoji watu 1,550 kati ya Februari 12 na Machi 4, 2014).“Takwimu hizi zimetumika kufuatilia mwenendo wa muda mrefu. Ni muhimu kukumbuka kuwa mahojiano haya yalihusisha makundi yote ya wananchi wa Tanzania Bara.

Hata hivyo, maoni ya wananchi yanaonesha wazi mashaka yaliyopo katika mchakato mzima wa kuibadili Katiba, kwani mwezi mmoja tu kabla ya siku ya kupiga kura, uandikishaji wa wapiga kura haujakamilika.

Kutokana na hali hiyo, nusu ya wananchi (asilimia 47) wanafikiri uchaguzi mkuu ujao utafanyika chini ya Katiba mpya, lakini idadi ndogo (asilimia 30) inafikiri kuwa uchaguzi huo utafanyika chini ya Katiba ya sasa.

Kuhusu Ukawa kususa vikao vya Bunge la Katiba na ushawishi wake kwa wananchi kususa kura ya maoni, utafiti huo umeonesha: “Kati ya wananchi waliosikia minong’ono juu ya Ukawa kususa vikao vya Bunge la Katiba, asilimia 66 wanapinga hatua hiyo.

Asilimia 68 wanapinga ushawishi kwa wananchi kususa kura ya maoni na robo tatu (asilimia 75) ya wananchi wanasema hawatasusa kura ya maoni.” Aidan Eyakuze, Mkurugenzi Mtendaji wa Twaweza, alisema kuna “Kuna mambo matatu yanayojitokeza kutokana na maoni haya ya wananchi.

Jambo la kwanza ni kwamba kura ya ‘Ndiyo’ kwa Katiba Inayopendekezwa haina uhakika. Tofauti iliyopo ni finyu na wananchi wameonesha kwamba kura hii inaweza kubadilika wakati wote katika mchakato huu.

“Pili, kuna kilio kilicho wazi kuhusu umuhimu wa Katiba kusisitiza masuala ya uwazi na uwajibikaji. Wananchi wameunga mkono kwa nguvu zote vifungu vinavyoimarisha uwajibikaji. Changamoto kubwa zilizopo katika upatikanaji wa huduma za kijamii na kuwepo kwa tatizo kubwa la rushwa vyote vimekuwa na athari kubwa na wananchi wanatafuta njia za kuwawajibisha viongozi kwa matendo yao.

“Tatu, wananchi hawajashawishika kuchukua hatua za nguvu za kuleta mabadiliko. Mwito wa UKAWA wa kususa kura ya maoni haujawavutia na wananchi wengi hawauungi mkono. Mambo haya matatu yatakuwa changamoto kubwa kwa viongozi wa ngazi zote kuamini kwamba mawazo yao yanawakilisha maoni ya wananchi.”

Elvis Mushi, Mratibu wa Sauti za Wananchi alitoa maoni yake kuhusu matokeo hayo alisema: “Mashaka yaliyopo juu ya kukamilika kwa mchakato wa mabadiliko ya katiba na kubadilika kwa mwenendo wa mchakato huo kumesababisha mashaka kwa wananchi. Hali hii ndio inayosababisha maoni ya wananchi kugawanyika katikati kuhusu masuala yote muhimu.”

Askofu afunda viongozi wa dini

Viongozi wa dini wametakiwa kufundisha amani na upendo kwawaumini wao na si kuwahamasisha wananchi wasiipigie kura ya ndio Katiba ijayo, kwani hali hiyo imeelezwa itasababisha nchi kutokea mitafaruku ya wenyewe kwa wenyewe ikiwa hata viongozi wa dini nao watashiriki mambo ambayo hayawahusu.

Hayo alisema Askofu Mkuu wa Kanisa la Pentekoste Tanzania, Erasto Ikongo na ambaye ni Mwenyekiti wa Ushirika wa Wachungaji wa Kipentekoste Tanzania (PPT) alipokuwa anatoa tamko la kupinga kauli ya Jukwaa la Wakristo Tanzania (TCF), kuhusu kushikilia msimamo wao wa kushinikiza waumini kuipigia kura ya hapana Katiba Inayopendekezwa kwa kudai kuwa katiba hiyo imefika hapo ilipofika kwa njia ya ubabe na kukosa uadilifu.

Alisema viongozi wa dini wanatakiwa wabebe vitu vya Mungu na kuongelea masuala ya Mungu na si kuzungumzia yale ambayo hayawahusu.

“Viongozi wa dini waendelee kuhamasisha dini ili nchi yetu ibaki kuwa na amani na utulivu kama ilivyo sasa na si kuingilia masuala ya Katiba ambayo hayawahusu,” alisema na kuongeza kuwa, kama wao walikuwa na nia na Taifa hili wangebeba hoja moja tu ya inayohusu Mahakama ya Kadhi kwa vile ni suala la kidini na si kubeba hoja za Ukawa.

Pia, aliwataka viongozi wa dini wote waliokwenda bungeni Dodoma warudi kwani wanahamasisha waumini ambao ni wabunge vitu ambavyo vinaweza kupoteza amani nchini kwetu.

Awali, tamko la umoja huo lilitolewa juzi na kusainiwa na Mwenyekiti wa Jumuiya ya Kikristo Tanzania (CCT), Askofu Dk Alex Malasusa, Mwenyekiti wa Baraza la Maaskofu Katoliki Tanzania (TEC) Askofu Tarcisius Ngalalekumtwa na Mwenyekiti wa Baraza la Maskofu wa KipentekosteTanzania (CPTC), Askofu Daniel Awet na kusema wao hawana hasira kama ambavyo watu wengine walivyotafsiri.CHANZO: HABARI LEO (Muro)

POSTED BY; RASHID HAMZA $ HASSAIN MTUNDA